|
Suonno antico
Si me venesse nzuonno nu’ pensiero,
ca
me purtasse arèta ‘a tiempe antiche,
quanno criaturelle int’’o quartiero,
ce
currévemo appriesso pè nt’’e viche.
Quanno ce steva ‘a festa ‘e Sant’Antuniéllo,
c’’o parco ’e frasche, tavule e bidune,
c’a via allummata, ‘e bòtte, ‘e susamiélle,
‘e
nzerte ‘e castagne nfilate a una a una.
Quanno Telese era campagna tutt’attuorno,
e
onn’Aniello sunava ‘o mandolino,
quanno puntualmente ogne miezejuorno,
sunava sempe ‘a sirena d’’o mulino.
‘A
vita era na’ scampagnata dint’’e Lagni,
na’
nchiuvata ‘e sòla fatt’’a Nunziello,
nu’
film ‘americano all’arena “Bagni”,
cu’ na’ fell’’e mellone addớ zi’ Carmeniello.
Nu’ bicchier’’e vino nzieme a zi’ Gigino,
nu’
vestito nuovo cusuto a Carminuccio,
na’
fiscata ‘e sera ‘e zì Pascalino,
na’
pulezzata ‘e via, na’ ragliata ‘e ciuccio.
N’abballata ‘e dummenica int’a na’ casa,
na’
chiazzata e zì Gnesina cu’ zì Ntuniella,
na’
jucata a pallone, n’arrubbata ‘e cerase,
n’appiccecata
‘e guagliune pè na’ caramella.
Si
stu’ suonno me venesse overamente,
allora lle dicesse “ fà n’ata cosa,
portame ‘a via d’’o laco nu’ mumento,
addò vasaje ‘a primma vota ‘Angelarosa”.
E
si restasse n’atu ppoco sulamente,
n’urdemo desiderio e niente cchiù,
“famme sunnà a Ninuccia e don Cremente,
nParaviso abbracciate cu’ Gesù”.
Riccardo Affinito
|
