|
Voereria saveè cume l’è pussibil - 11-02-04 - Sandro Forlani |
|
VOERERIA SAVEE’
Voereria saveè cume l’è pussibil che sun pussè cuntent quand ghè la nebia, quant el piov, el fa frecc e el tira vent o el fioca. El duvria vèes tùt el cuntrarii ! Forse perché sun emigrant e a cà mia leva inscì.
Voereria saveè perché me piass pussè scriv in Lavenes, parlaà in Lavenes, mangiaà in Lavenes, riid in Lavenes. Duvria faà e veès cùme chi viv cun mì. Forse perché sun emigrant e a cà mia foò insci.
Voereria saveè perché ghe trò a pensà de ves un Lavenes, quand i caart,tucc i caart disen che sun de Teles. Sarò mia matt de ligaà ?? Forse perché sun emigrant e sun nassù a Laven.
Voereria saveè perché in dua sun mì a stà de cà ghè nisun alter Lavenes, ghè mia un’Asuciaziun de Lavenes,un bar de Lavenes, nanca un strascc de giurnal de Lavenes. Forse perché de Lavenes emigrant ghe né pooc o nissun.
E alora se a cà mia el fa frecc e chi no, se a cà mia se fa tut in Lavenes e mi no, se sun nassù Lavenes e nessun el voerl capiìl, se in gir per ul Mund de Lavenes ghè né poc o nissun, alora l’è anmò pusseè brùt vès un emigrant, da Lavenes !
Per intervenire: invia@vivitelese.it
|
