Partenope se chiammava ‘a
piccerella,
ll’uocchie nire ‘e capille
luongh’assaje,
faceva ‘ammore cu’
Eumeo ‘a puverella,
ma pè colpa d’’o pate ns’’o
putette spusà maje.
Ma ll’ammore tra chisti
nnammurate,
na’ passione ca nun se pò scurdà,
e accussì, tenennose abbracciate,
d’ ‘a Grecia se ne jetteno, pè
nun ce cchiù turnà.
E ghietteno pè mare, sperdute e
senza meta,
povere guagliune, c’’a morte
dint’ ‘o core,
pè cumpagnia surtanto na’ cumeta,
e ‘a forza ca veneva ‘a chill’ammore.
Facennose curaggio e tenennose p
‘ ’a mano,
se giurajeno ammore e federtà,
sbarcajeno nterra napulitana,
e Napule vedennole, accumenciaje
a cantà.
2
Se facetteno na’ casa ncopp’ ‘o
mare,
se vuletteno bene overamente,
nascetteno Surriento e Marechiare,
e Pusilleco, capatuosto e
preputente.
Poco doppo
nascette Margellina,
ll’uocchie nire
tale e quale ‘a mamma,
canzone nove
cantava ogne matina,
‘e piscature lle
cantava ‘a ninna-nanna.
E accussì campava,
alleramente,
sta famiglia sia a vierno che
all’està,
e Napule, ca s’’e tteneva mente,
ridenno pur’isso, se metteva a
cantà.
3
E mò ca se sò
fatte vicchiarielle,
e accummenciano ll’acciacche
dell’età,
se cunzolano tra lloro,
puverielle,
e trovano ‘a forza pè puté cantà.
Ma ‘o dulore cchiù forte nun è
chisto,
nu’ turmiento ca nun te fa campà,
Pusilleco s’’a fà cu’ gente
triste,
pè mmiezo ‘e strate s’è mmiso a
spaccià.
‘O pate, Eumeo, sentenno chisti
fatte,
ll’ata sera se n’ascette mmerz’’e
sette,
ncucciaje a Pusilleco e ‘a
ntrasatte,
‘o guardaje dint’’a ll’uocchie e
lle dicette.
Simmo nati pè fà felice ‘a ggente,
ch’’e canzone, cu’ ll’arte e ‘o
rrecittà,
piglia ‘a chitarra, nun fà cchiù
‘o malamente,
jetta sta rrobba, torn’a cantà!
”
Riccardo Affinito
|