- Dimme zingarella
mia, che vide int’a sti ccarte?
- Figliola bella, vego
ca comme a ogne anno, chiano ‘a stagione s‘alluntana
coll’uva c’ammatura... e primma d’a vennégna,
comme a ogne anno, vego a ‘nu rre ca vene
‘ngran pompa ‘a chesti pparte.
- Dimme zingarella,
chi è ‘stu rre ca vene? Che vo’? che va
truvanno ‘a nuje?
- Vego ‘na corte ‘e
gente trista, vassalle, valvassure e
valvassine... s’assettano e s’abboffano
cchiù d’e puorce.
- Uh, che fetenzia
me vaje cuntanno, che ‘nfamità! Ma ‘o popolo
che fa?
- Vego gente vascia
o de casata, vego nobbele e pezziente, vego
notabbele e solachianielle... tutte
addenucchiate annanze a loro, a li vasà ‘e
piede pe’ ‘na grazia.
- ‘Na grazia? ‘Na
grazia ‘e che, neh zingarè?
- Aspettano
tremmanno ca ‘o rignante l’accorda comme ’a
grazia la promessa 'e 'nu favore ‘e chello
che l’attocca.
- Ohiné pecché
addenucchiate, si chello ca vonno l’attocca
pe’ diritto?
- No, figliola mia,
si’ piccerella. Tu nun canusce ‘o munno e
ancora nun ’o saje che ‘a chesti pparte chi
s’addenocchia magna... e chi sta allerta
canta.
- Allora cantammo
ca ’a vita è ’n’ata cosa! Zingaré, cantammo
assieme... Abballammo, redimmo â faccia
lloro, facimmole ‘e pernacchie! Ma stammo
sempe allerta, nun avasciammo ‘a capa! E
pure tu, bella janara, che faje sola e
scunsulata sempe llà sott‘o noce? Viene accà,
canta cu‘ nuje! Pripara ‘na paparotta
affatturata, c’a revacammo int’a votte ‘e
vino ’e chella tavulata... Accussì ’e
vedimmo ‘e se cagnà all’intrasatta, da
puorce qual erano int’a cane e gatte... Cane
e gatte ca s’afferrano, cu mmuozzeche e cu
scippe, se cecano ll’uocchie, se sbramano ‘o
franfellicco...
E nuje cantammo,
abballammo, redimmo â faccia lloro... che ‘a
vita nun è chella, ’a vita è ‘n‘ata cosa!
Fulvio Del Deo
TRADUZIONE
La vita è
un'altra cosa!
-
Dimmi zingarella mia, che cosa vedi in
queste carte?
- Fanciulla bella, vedo che come ogni
anno, piano la bella stagione
s‘allontana con l’uva che matura... e
prima della vendemmia, come ogni anno,
vedo un re che viene in gran pompa da
queste parti.
-
Dimmi zingarella, chi è questo re che
viene? Che vuole? che cosa cerca da noi?
- Vedo
una corte di gente cattiva, vassalli,
valvassori e valvassini... si siedono e
s’abbuffano più dei porci.
- Uh,
che schifo mi vai raccontando, che
infamità! Ma il popolo che fa?
-
Vedo gente di strada o di casata, vedo
nobili e pezzenti, vedo notabili e
ciabattini... tuttI
inginocchiati davanti a loro,
a baciargli i piedi per una grazia.
- Una
grazia? Una grazia di che, neh zingarè?
-
Aspettano tremando che il regnante gli
accordi come grazia la promessa
di donargli in favore ciò che gli tocca.
- Oh
bella, perché inginocchiàti, se quello
che vogliono gli tocca per diritto?
-
No, fanciulla mia, sei piccolina. Tu non
conosci il mondo e ancora non lo sai che
da queste parti chi s'inginocchia
mangia... e chi sta in piedi canta.
-
Allora cantiamo che la vita è un'altra
cosa! Zingaré, cantiamo assieme...
Balliamo, ridiamo alla faccia loro,
facciamogli le pernacchie! Ma stiamo
sempe in piedi, non abbassiamo la testa!
E pure tu, bella strega, che fai sola e
sconsolata sempre là sotto al noce?
Vieni qua, canta con noi! Prepara una
pozione magica, che la versiamo nella
botte di vino di quella tavolata...
Così li vediamo improvvisamente
cambiare, da porci quali erano in cani e
gatti... Cani e gatti che si afferrano,
con morsi e con graffi, si cecano gli
occhi, se sbranano il...
franfellicco (bastoncino di
zucchero caramellato)
E noi
cantiamo, balliamo, ridiamo alla faccia
loro... che la vita non è quella, la
vita è un'altra cosa!
Fulvio
Del Deo
