23 settembre 2004
Inno a Telese, scarica il brano completo
Riccardo Affinito

 

 

Inno a Telese

Testo di Riccardo Affinito – Musica di Salvatore Vitiello

 

 

Quann’ ‘o sole iesce ‘aret’ ‘o monte,

e d’’o primo gallo sient’’a voce,

c’’a Madonna d’’o Rusito propri’’e fronte,

se sceta stu paese doce, doce.

 

Se sénteno ‘e carrette mmiez’’a via,

‘e prime trene arrivene’ ‘a stazzione,

e vide ‘e tterme cu’ Santa Lucia,

c’’o cierro, ‘a Pera e ch’’e Gocciolone.

 

    Sarrà p’addore ‘e st’acqua ‘nfracetata,

    sarrà pe’ chesta via tutt’arberata,

    sarrà pe’ st’uocchie verde,

    ca tiene fronte tu,

    ma ll’ammore,

    pe’ Telese,

    si te piglia … nun te lassa cchiù.

 

E siente ll’acqua scorrere a Grassano,

e vide mmiez’’o laco e paparelle,

‘a scafa a sciummo poco cchiù luntano,

‘e bagne viecchie, ‘a Cchies’’e pputechelle.

 

Ll’addor’ ‘e vino ven’ ‘a copp’ ‘a Chiana,

passanno mmiez’’e piante d’’a pineta,

s’ammescano tra lloro chianu chiano,

ch’è tarallucce e ‘addore d’’a Seneta.

 

    Sarrà pecch’è ‘o paese addò sì nato,

    p’’o primmo vaso o ‘a primma ‘nnammurata,

    sarrà pe’ ‘nu ricordo,

    d’’a primma gioventù,

    ma ll’ammore,

    pe’ Telese,

    si te piglia… nun te lassa cchiù.

 

(finale)

    Ma st’ammore pe’ Telese t’ha pigliato

… e nun te lassa cchiù.

 

Foto di Repertorio - Antonio, Giovanni Ceniccola ed io (Riccardo Affinito)

 


 

Disponibile il Brano originale interpretato dall'autore

Scarica il brano mp3 - 2,7 MB

Destro del mouse e poi...Salva oggetto con nome

 

 

    

Altri interventi sullo stesso tema


Per intervenire: invia@vivitelese.it